Isang video ang nagpaantig sa mga netizens at nagpamulat sa mga kabataan na hindi madali ang buhay at maraming tao ang nakakaranas ng matinding kahiråpan. Kinilala ang binata na si Jhon Errol Mampusti na mula pa sa Tugos Boac, Marinduque. Si Jhon ay isang tiktok user na nag-viral dahil sa pagpapakita niya ng kanyang totoong buhay.

Ipinakita ni Jhon ang kanyang kinakaing kamote at pinayuhan niya ang mga kabataan na kumilos din sa bahay bilang tulong para sa kanilang mga magulang.

Kuwento niya, madalas umanong naiinggït ang kanyang kapatid sa mga batang inuutusan pa ng mga magulang na maghigas ng plato, “Alam mo kapatid, ako’y naiinggit sa mga bata diyan na inututusan pa ng kanilang mga magulang na maghugas ng pinggan pagkatapos kumain.”

Payo niya sa mga kabataan, “Wag kayong tamårin. Wag kayong tamarin maghugas ng pinggan kasi ho, kung kakain nalang kayo tapos sila pa paghuhugasin niyo diba? Nakakaawa naman mga magulang natin kung ganon.”

“Tingnan niyo ko oh, tingnan niyo yung pinggan ko, kung ganito huhugasan niyo magkusa nalang kayo.”

“Tingnan niyo yung kinakain ko. Katanghaliang tapat yan. Di ba, alas dose na ganito kalaking pinggan. Kamote lang malakas.”

Binanggit niya rin na wala pa umano sahod ang kanyang ama kaya tanging kamote lang muna ang kanyang kinakain, “Pasensya na kayo ha, wala kasing kanin eh. Kaya kamote nalang muna. Di pa kasi sumasahod si Papa. So kain. Wag kayong tamarin maghugas kasi maawa naman kayo sa mga magulang niyo.”

Sa ngayon, isa ng ganap na vlogger si Jhon at mayroon na siyang 152k subscribers. Sa kanyang mga vlogs ay ibinabahagi niya ang mga nangyayari at sitwasyon ng kanyang buhay.